Azərbaycan Dillər Universitetində ADU Elmi Kitabxana və İnformasiya Xidməti Mərkəzinin (EKİXM) təşkilatçılığı ilə  "Zəfər günün mübarək, Anam Azərbaycanım!" adlı tədbir keçirilib.
Tədbirdə Azərbaycan Respublikasının Dövlət Himni səsləndirilib, dövlətimizin müstəqilliyi, ərazi bütövlüyü uğrunda canlarını fəda edən şəhidlərimizin əziz xatirəsi birdəqiqəlik sükutla yad edilib.
Tədbiri giriş nitqi ilə EKİXM-nin Xidmət şöbəsinin müdiri Nuranə Tağıyeva açıq elan edib.
Oxu zalı bölməsinin müdiri Güllüzar Məmmədova, kitabxanaçı Elşən Hüseynli çıxış ediblər.
Təhsil fakültəsinin 332-ci qrup tələbəsi Rzayeva Nərgiz, İngilis-alman dilləri fakültəsinin tələbələri Fatimə Kərimova, Şəhanə Qarayeva, İngilis-fransız dilləri fakültəsinin tələbələri Nigar Bəybalayeva, Xədicə Cabbarlı, Tərcümə fakültəsinin tələbələri Şərqiyə Müzəffərova, Elmira Cəbrayılova Zəfər günü münasibətilə öz hazırladıqlan slayd vasitəsilə çıxış ediblər.