Azərbaycan Dillər Universitetinin (ADU) Linqvokulturologiya kafedrasının təşəbbüsü, kafedranın dosenti Tofiq Quliyevin təşkilatçılığı ilə "Müəllimə ehtiramın Heydər Əliyev örnəyi” adlı tədbir keçirilib.

Tədbirdə rektorun məsləhətçisi Anar Osmanlı, Linqvokulturologiya kafedrasının müdiri dosent Vüsalə Ağabəyli, kafedranın əməkdaşları və İngilis-fransız dili fakültəsinin nümayəndələri iştirak ediblər. 

Tədbiri  Heydər Əliyevin  "Mən dünyada müəllimdən şərəfli ad tanımıram” sitatı ilə açan dosent Tofiq Quliyev Ulu Öndərin  Azərbaycana rəhbərlik etdiyi bütün illərdə müəllim əməyini yüksək qiymətləndirdiyini, onlara böyük hörmətlə yanaşdığını, təhsil işçilərinin maddi vəziyyətinin, rifahının yaxşılaşdırılmasının qayğısına qaldığını vurğulayıb. Daha sonra tələbələr müəllim əməyinə və müəllim ömrünə həsr edilmiş şeirlər səsləndirib, səhnəciklər təqdim edib və  rəqslər nümayiş etdiriblər. 

Sonda çıxış edən Anar Osmanlı Linqvokulturologiya kafedrasının təşkilatçılıq təşəbbüsünü yüksək qiymətləndirdiyini qeyd edərək, tədbir iştirakçılarına, tələbələrə təşəkkürünü bildirib. Daha sonra dosent Vüsalə Ağabəyli bütün müəllimləri müqəddəs peşə bayramları münasibətilə təbrik edib, bu şərəfli peşəni seçən tələbələrə uğurlar arzulayıb.