Azərbaycan Dillər Universitetində (ADU) Filologiya fakültəsinin birinci kurs tələbələri ilə görüş keçirilib.

Görüşdə adıçəkilən fakültənin dekanı professor Həmidə Əliyeva, dekan müavinləri - H. Nəzərova, E. Hüseynova, Beynəlxalq jurnalistika şöbəsinin müdiri N. Qurbanlı iştirak  ediblər. 

Görüşü giriş nitqi ilə açan dekan Həmidə Əliyeva tələbə adını qazanmaları münasibəti ilə tələbələri təbrik edib, yeni dərs ilində uğurlar arzulayıb.

Dekan Filologiya fakültəsini seçən tələbələrə öz seçimlərində yanılmadığını, universitetimizin əlverişli təhsil imkanlarından yararlanmaqla öz bilik və bacrıqlarını daima artıracaqlarını deyib. O, həmçinin, çıxışında Azərbaycan Dillər Universitetinin nüfuzundan, beynəlxalq əlaqələrindən söz açıb, fakültənin strateji inkişaf istiqamətləri, mərkəzlər, şöbələr, kitabxana, tyutorların fəaliyyəti barədə məlumat verib. Tələbələrə nizam-intizam qaydalarına ciddi əməl etməyi, onlara milli köklərimizə bağlı, vətənpərvər gənclər olmağı da tövsiyə edib.

Görüşün sonunda tələbələri maraqlandıran suallar cavablandırılıb.