Azərbaycan Dillər Universitetinin (ADU) Beynəlxalq münasibətlər və Regionşünaslıq fakültəsi nəzdində Regionşünaslıq kafedrasının baş müəllimi Bəyim Abdulla və Xarici dillər kafedrasının baş müəllimi Günay Səfərova tərəfindən birgə tərtib olunan və İsrailşünaslıq ixtisasının bakalavriatura pilləsi üçün nəzərdə tutulan "İsrail mədəniyyəti və incəsənəti" adlı dərs vəsaiti çap olunub.Kitab İsrail mədəniyyəti və İncəsənətinə dair biliklərin möhkəmləndirilməsi istiqamətində bu sahə üzrə məşğul olan bütün mütəxəssislər üçün önəmli bir vəsait hesab oluna bilər. Mövzuların aydın və ardıcıl şəkildə təqdim olunması, mövzularda əksini tapan bütün yad terminlərin izahının müəlliflər tərəfindən açıqlanması və müəyyən mövzuların aydın təsvirini özündə ehtiva edən şəkillərdən istifadə edilməsi vəsaiti daha oxunaqlı və maraqlı edir. Dərs vəsaitində Azərbaycan-İsrail əlaqələrinin mədəni sferada inkişafına və Azərbaycanın mədəni həyatında yəhudilərin roluna toxunulması onun əhəmiyyətini daha da artırır.Qeyd edək  ki, dərs vəsaiti müəlliflərin elmi tədqiqat işlərinin nəticəsi və əlavə məlumatlar əsasında formalaşıb.