Azərbaycan Dillər Universitetinin (ADU) Pedaqogika kafedrasının nəzdində fəaliyyət göstərən İnklüziv Təhsil Mərkəzi və "Loqos" Psixoloji və Nitq İnkişaf Mərkəzinin birgə əməkdaşlığı çərçivəsində universitetin  “Korreksiyaedici təlim” ixtisası üzrə təhsil alan tələbələrinə seminar keçirilib.

Seminar sözügedən mərkəzin əməkdaşı defektoloq-loqopedi Mina Cabbarova və sözügedən kafedranın baş müəllimi Günay Seyidova tərəfindən keçirilib.  

Seminar iki- nəzəri və təcrübi hissədən ibarət olub.

Nəzəri hissədə kafedranın baş müəllimi Günay Seyidova yerli və beynəlxalq təşkilatların keçirdiyi layihələr, təlim və təcrübə proqramları haqqında məlumat verib. Təcrübi hissədə isə mərkəzin əməkdaşı  Mina Cabbarova zondların növləri, xüsusiyyətləri və zondlarla işləmək qaydalarını izah edib.