Azərbaycan Dillər Universitetinin Filologiya fakültəsi nəzdində Xarici dillərin tədrisi metodikası kafedrasının dosenti Jalə Mehraliyeva və Təhsil- 2 fakültəsi nəzdində İngilis dilinin leksikologiyası və üslubiyyatı- 2 kafedrasının baş müəllimi Təranə Zeynalova, 53 saylı məktəbin ingilis dili üzrə metod birləşmənin sədri  Şükufə Salamovanın təşşəbbüsü ilə “Dünyaya sülh gərəkdir!” mövzusunda tədbir keçirilib.

Tədbir 53 saylı tam orta məktəbdə pedaqoji təcrübədə olan Təhsil 1 və 2 fakültələrinin tələbələrinin təşkilatçılığı ilə ingilis dilində olub.

Öncə Azərbaycan Respublikasının Dövlət himni və Böyük Britaniyanın “God save our Queen” himni səsləndirilib. 

Tədbirdə çıxış edən  tələbə Fatima Zailova dünyadakı bütün insanlar üçün xoşbəxt və dinc həyatın əsas meyarı olduğunu qeyd edib. Mözvuya aid  video-çarx təqdim edilib. 

Sonra şagirdlərin ifasında ingilis dilində ədəbi-bədii kompozisiyalar və mahnılar təqdim edilib.

Tədbirdə eyni zamanda ingilis klassiklərinin  əsərlərinə də müraciət edildi .

Tədbirdə Azərbaycan Dillər universitetinin filologiya kafedrası nəzdində xarici dillərin tədrisi metodikası kafedrasının dosenti  Qələmşah Heybətov və Təhsil- 2 fakültəsi nəzdində İngilis dilinin leksikologiyası və üslubiyyatı -2 kafedrasının baş müəllimi, fil.f.d.  Gülşən Məhərrəmova da iştirak ediblər.

Tədbir tələbə və şagirdlərin ifasında “We are the world” mahnısı ilə yekunlaşıb.