Azərbaycan Dillər Universitetinin Müəllim və Tələbə Həmkarlar Təşkilatının təşəbbüsü və maliyyə dəstəyi ilə Filologiya fakültəsi nəzdində Xarici dillərin tədrisi metodikası kafedrası tərəfindən  Ümummilli liderimiz Heydər Əliyevin anadan olmasının 101-ci ildönümü münasibəti ilə “Ekoloji sağlamlıq Heydər Əliyev siyasətinin əsas prioritetlərindən biri kimi”  adlı esse müsabiqəsi keçirilib.

Keçirilən müsabiqə Filologiya, Təhsil 1 və Təhsil 2 fakültələrinin 3-cü və 4-cü kurs bakalavr tələbələri arasında təşkil olunub.

Müsabiqəni giriş sözü ilə kafedra müdiri dos. Sevinc Hüseynova açıb. Esse yazmaqla bağlı olan şərtlər tələbələrə kafedranın əməkdaşları fil.f.d., daxili dos. Aynur Budaqova, b/m. Günel Xudayarova, m. Nuranə Bədiyeva - təşkilat komitəsi tərəfindən öncədən bildirilib.

Müsabiqə şərtlərinə uyğun olaraq, hər biri tələbəyə ingilis dilində 2 mövzu təqdim olunub. Onlardan istənilən biri haqqında maksimum 250 sözdən ibarət esse yazmaq tapşırılıb.

Bildirilib ki, müsabiqədə 1-ci, 2-ci və 3-cü yerləri tutan namizədlər pul mükafatı ilə mükafatlanacaq, xüsusi fərqlənən digər tələbələr isə sertifikatla təltif olunacaqlar.