Azərbaycan Dillər Universitetində Təhsil-2 fakültəsi nəzdində Xarici dillər kafedrasının təşkilatçılığı ilə “Şuşa Qarabağın incidir” adlı ədəbi bədii kompozisiya keçirilib.

 Tədbirdə  Azərbaycan Respublikasının Dövlət Himni səsləndirilib. Ölkəmizin  suverenliyi, müstəqilliyi, ərazi bütövlüyü uğrunda canından keçən əsgər və zabitlərimizin ruhlarını bir dəqiqəlik sükutla yad olunub.

Rektor məsləhətçisi Anar Osmanlı tədbirin mahiyyətindən danışarkən Azərbaycan Respublikasının Prezidenti Cənab İlham Əliyevin Azərbaycan Respublikasının Konstitusiyasının 109-cu maddəsinin 32-ci bəndini rəhbər tutaraq Şuşa şəhərinin  Azərbaycan xalqı üçün tarixi əhəmiyyətindən danışıb. O,  yüksək mədəni mənəvi dəyərini nəzərə alaraq verdiyi sərəncama əsasən 2022-ci il “Şuşa ili” elan edildiyini və  münasibətlə də ADU-da  bir sıra silsilə tədbirlərin  həyata keçirildiyini  qeyd edib.

Öncə  Azərbaycan Respublikası Müdafiə Nazirliyi Həzi Aslanov adına ordu ideoloji və mədəniyyət mərkəzinin solistlərinin vətənpərvərlik ruhunda çıxışları izlənilib.

 Sonra ADU-nun tələbələri tərəfindən hazırlanan səhnəciklər nümayiş olunub.

Tədbirdə rektor məsləhətçisi, iqtisad üzrə fəlsəfə doktoru Anar Osmanlı, Təhsil-2 fakültəsinin dekanı dosent  Salman Nuriyev, Təhsil-2 fakültəsi nəzdində Xarici dillər kafedrasının müdiri dosent Aidə Sobor, Azərbaycan Respublikası Müdafiə Nazirliyi Həzi Aslanov adına ordu ideoloji və mədəniyyət mərkəzinin solistləri –Aytən Rəsulzadə, Mətləb Ağayev, Elçin Məmmədov, Vüsal Ağayev, Anar Şahmuradov, Tural Əlibəyli, “Azerbaijan British College” nin müəllim və şagird kollektivi, kafedra müdirləri, Təhsil-1 və Təhsil-2 fakültələrinin tələbələri iştirak ediblər.

Sonda tədbir iştirakçıları  təşkilatçılar tərəfindən  təşəkkür  bəlgələri ilə təltif olunub.