Azərbaycan Dillər Universitetində Bakı Politoloqlar Klubunun AR -nın Qeyri Hökumət

Təşkilatlarına Dövlət Dəstəyi Agentliyi ilə tələbələrin maarifləndirilməsi məqsədini nəzərdə

tutan elmi-praktik seminarlar çərçivəsində "Tarixi qələbənin siyasi ideoloji əsasları; Yeni

reallıqlar və çağırışlar” mövzusunda elmi-praktiki seminar keçirilib.

Tədbirin təşkilatçısı BPK sədri Zaur Məmmədov, Beynəlxalq Münasibətlərin Təhlili Mərkəzinin

İdarə Heyətinin sədri Fərid Şəfiyev, dosent Emin Qəribli və Elşən Məcidov çıxışlarında

Azərbaycan dövlətinin müharibəyə qədər və sonrakı dövrdə apardığı siyasi-ideoloji kurs, region

ətrafında davam etməkdə olan geosiyasi prosesler fonunda gənclərin dövlətçilik istiqamətində

atmalı olduqları addımlar haqqında məlumat veriblər.

Farid Şəfiyev zəfərə qədər və sonrakı dövrdə diplomatiya sahəsində aparılan işlər haqqında

danışaraq Prezident İlham Əliyevin xarici siyasət kursu fəlsəfəsinə toxunub.

Zaur Məmmədov isə tarixi qələbənin siyasi- ideoloji məqamlarından bəhs edərək, Ali Baş

Komandan tərəfindən bu illər ərzində aparılan ideoloji siyasət haqqında danışıb.

İqtisadçı alim Emin Qəribli və siyasi ekspert Elşən Məcidov son 2 ildə qlobal iqtisadi siyasi

çağırışlar və bölgədə yenidənqurma işləri ilə bağlı tələbələri məlumatlandırıblar.

Qonaq ekspertlər Ulu Öndər Heydər Əliyev və prezident İlham Əliyev tərəfindən qələbədə

xüsusi rol oynayan siyasi-ideoloji xətti xüsusi vurğulayaraq, bu istiqamətdə aparılan işlər

haqqında geniş şəkildə danışıblar.

İnteraktiv formada tələbələrin fəallığı ilə keçən seminarda tələbələrin fikirləri öyrənilib və

sualları cavablandırılıb.

Sonda təşkilatçı tərəfindən yaradılan şəraitə görə ADU-nun rəhbərliyinə təşəkkür bildirilib.