Yanvarın 15-də Azərbaycan Dövlət Pedaqoji Universitetinin Filologiya fakültəsində İngilis dili kafedrasının müəllimləri Azərbaycan Dillər Universitetinin Dil və Tərcümə Xidmətləri Mərkəzinin təşkilatçılığı ilə TKT təliminin birinci moduluna başlayıb.

Bu təlimdə iştirakçılar ilk növbədə peşəkar sahədə biliklərini artırırlar. Eyni zamanda, TKT müəllimlik peşəsinə başlayanlar üçün də gərəkli təlimdir. Belə ki, TKT gənc müəllimlərə metodikanın əsaslarını daha sistemli və müasir tələblərə uyğun şəkildə təqdim edir. Təlimin üstünlüklərindən biri də sonda iştirakçıların beynəlxalq sertifikat əldə etmək imkanıdır.