Azərbaycan Dillər Universitetinin Dil və Tərcümə Xidmətləri Mərkəzi 17-19 oktyabr  tarixlərində müvafiq olaraq universitetin hər iki tədris binasında mərkəzin xaricdə təhsil proqramı çərçivəsində “İtaliyada  təhsil  imkanları” haqqında təqdimat keçirib.

Təqdimatda universitetin bakalavr pilləsinin III və IV kurs tələbələri iştirak edib.

İtaliyada magistratura  və təqaüd imkanları haqqında geniş məlumat verilib. Azərbaycan Dillər Universitetinin tərbiyə işləri üzrə prorektoru Sərraf  Hüseynov Dil və Tərcümə Xidmətləri mərkəzi haqqında tələbələrə məlumat verib.

Dil və Tərcümə Xidmətləri Mərkəzinin rəhbəri dosent Fialə Abdullayeva, mərkəzin direktor  müavinləri Elçin Hüseynov və Orxan Həsənov Dil və Tərcümə Xidmətləri Mərkəzinin fəaliyyəti  haqqında ümumi məlumat veriblər.

Sonda tələbələri maraqlandıran suallara cavab verildi.