Azərbaycan Dillər Universitetinin Təlimdə innovasiyalar kafedrasının müəllimi Türkan Abbasova Bakı Biznes Universitetində keçirilən “İnformasiyalaşdırılmış cəmiyyətdə xarici dillərin tədrisinin səmərəli yolları” mövzusunda beynəlxalq elmi-praktik konfransda iştirak edib. Təmsilçimiz “Promoting Critical Thinking in ELT” adlı mövzuyla uğurla çıxış edərək sertifikatla təltif olunub. Qeyd edək ki, konfransın məqsədi xarici dillərin tədrisi istiqamətində araşdırma nəticələrini müəyyənləşdirmək, toplanmış təcrübədən faydalanmaq və mövzu ətrafında təcrübə və fikirləri paylaşmaqdan ibarət idi.