Azərbaycan Dillər Universitetinin rektoru, Xalq yazıçısı, akademik Kamal Abdulla Qurban bayramı münasibətilə universitetin kollektivini, tələbə, magistr və doktorantları təbrik edib. 

Təbrikdə deyilir: 

Əziz professor-müəllim heyəti, tələbə, magistr və doktorantlarımız! 

Sizi dünya müsəlmanlarının həmrəylik rəmzi olan müqəddəs Qurban bayramı münasibətilə ürəkdən təbrik edirəm. Hamınıza ən xoş arzularımı ünvanlayır, gözəl əhval-ruhiyyə və bol sevincli anlar arzulayıram. 

Etdiyiniz duaların, kəsdiyiniz qurbanların Tanrı dərgahında qəbul olunmasını diləyirəm. Qoy bu nurlu bayram ailələrinizə xoşbəxtlik, süfrələrinizə xeyir-bərəkət gətirsin. 

Qurban bayramınız mübarək olsun!