Azərbaycan Dillər Universitetinin (ADU) BMR fakültəsinin 363A qrup tələbəsi Anar Məmmədov 19 aprel tarixində Türkiyədə keçirilən qaydasız döyüş üzrə professional turnirdə iştirak edərək qalib olub.

MMA-nın əsas liqalarından olan BFC və TFN-nin birgə təşkil etdiyi professional turnirin final mərhələsində erməni rəqibi Artur Albertyanı məğlub edən Anar Məmmədov I yerə layiq görülüb.

Aprelin 24-də rektoryanı şuranın iclasında ADU-nun rektoru, akademik Kamal Abdulla Anar Məmmədovu qələbəsi münasibətilə təbrik edib, ona dərslərində və peşəkar idman karyerasında uğurlar arzulayıb. 

Qeyd edək ki, Anar Məmmədov 2 qat dünya çempionu, dünya kubokunun qalibi, Avrasiya çempionu, Avrasiya kubokunun qalibi, 6 qat Respublika çempionu, 3 dəfə Respublika kubokunun qalibidir. Onun professional döyüş rekordu məğlubiyyətsiz 3 qələbədən ibarətdir.