Beynəlxalq Əlaqələr Departamenti

3659

Departamentin məqsədi Azərbaycan Dillər Universitetinin (ADU) beynəlxalq əlaqələrini genişləndirmək, həmçinin beynəlxalq təhsil sisteminə inteqrasiyasına yardımçı olaraq dünyanın bir çox nüfuzlu təhsil müəssisələri ilə əməkdaşlığının səmərəli inkişafını təşkil etməkdir.

????????????????????????????????????

Beynəlxalq Əlaqələr Departamentinin tərkibinə daxil olan struktur bölmələr:

  • Xarici vətəndaşlarla iş və protokol şöbəsi
  • Qrantlar və layihələr şöbəsi

 

Beynəlxalq Əlaqələr Departamentinin fəaliyyət sahəsinə aşağıdakılar aiddir:

  • Beynəlmiləlləşmə strategiyasının həyata keçirilməsi və fəaliyyət planının yaradılması;
  • Beynəlxalq tərəfdaş universitetlər ilə müqavilələrin bağlanılması, hazırlanması və dəyərləndirilməsi;
  • Beynəlxalq əməkdaşlıq çərçivəsində tələbələr üçün yaradılmış imkanların genişləndirilməsi və idarə edilməsi;
  • İkitərəfli universitet mobillik müqavilələri, Erasmus Mundus, TEMPUS, Erasmus + kimi müxtəlif mobillik proqramları vasitəsi ilə tələbə, işçi heyəti və tədqiqatçı mobilliyinin inkişaf etdirilməsi və idarə edilməsi;
  • Beynəlxalq konfranslar, seminarlar və digər tədbirlərin təşkili;
  • Xarici vətəndaşlarla iş, qarşılıqlı əməkdaşlıq əlaqələrinin qurulması;
  • Təhsil siyasətinin inkişafı naminə layihələrin həyata keçirilməsi.

 

ADU-da dünyanın bir çox təhsil ocaqları ilə təcrübə mübadiləsi aparılır. Beynəlmiləlləşmə universitetlərlə olan ikitərəfli və ya çoxtərəfli əməkdaşlıq müqavilələri, beynəlxalq layihələrdə iştirak (Avropa Birliyi, ABŞ Dövlət Departamenti və s. tərəfindən maliyyələşən layihələr daxil olmaqla) və müxtəlif mobillik proqramları vasitəsi ilə həyata keçirilir. Son on il ərzində 500-dən çox tələbə bu proqramlar çərçivəsində dünya universitetlərinə göndərilib. Əməkdaşlıq müqavilələri, həmçinin müəllimlərin təlimi, birgə tədqiqat, resursların inkişafı (tədris və tədqiqatla bağlı resurslar daxil olmaqla) və kitabxana, həmçinin mədəniyyət mərkəzlərinin yaradılmasını nəzərdə tutur. Fransa, ABŞ, İndoneziya, Norveç, Hindistan və Avstriya, o cümlədən xarici səfirliklərin təşəbbüsü ilə müxtəlif mədəni və informasiya-resurs mərkəzləri yaradılıb. Universitet Konfutsi İnstitutu, Goethe İnstitutunun OEAD (Österreichische Austauschdienst) himayəsi altında fəaliyyət göstərən Alman Oxu Zalı və Avstriya Kitabxanası kimi nüfuzlu təşkilatların filiallarına ev sahibliyi edir. ADU eyni zamanda TOEFL (ABŞ), AYÖS və OEAD (Alman dili)  dil testlərinin keçirilməsi üçün rəsmi icazəyə sahibdir. Azərbaycan Dillər Universiteti 2010 və 2013-cü illərdə iki TEMPUS layihəsinin baş koordinatoru olub və 2010-cu ildən  TEMPUS, ERASMUS və ERASMUS mobillik proqramlarında əməkdaş universitet kimi fəaliyyət göstərir. ADU 2011-ci ildən Türkiyə universitetləri ilə Mövlana mübadilə proqramı çərçivəsində əməkdaşlıq edir. Azərbaycan Dillər Universitetinin Erasmus+ KA1 mobillik proqramı çərçivəsində Avropa Birliyi universitetləri ilə ikitərəfli münasibətləri inkişaf edir. Bu işgüzar əlaqələr nəticəsində Fransanın ITIRI Strasburq və Bordo universitetləri, İspaniyanın Mursia Universiteti, İtaliyanın Fondazione Milano SCM, Türkiyənin Həsən Kalyoncu və Hacəttəpə universitetləri və digər universitetlər ilə qarşılıqlı əməkdaşlıq əlaqələrini nəzərdə tutan bir sıra rəsmi sazişlər imzalanıb. ADU universitetlərlə əlaqələrin inkişafının davamlılığına böyük önəm verir, Esseks Universiteti ilə ikili bakalavr proqramını həyata keçirir, Glasgow Universiteti ilə bakalavr və magistr tələbə mobilliyi sahəsində uzun sürən tərəfdaşlığı var. ADU Strasburq Universiteti ilə Professional Tərcümə və Konfrans Tərcüməsi üzrə Magistr Diplom delokalizasiya proqramını həyata keçirir. Hal-hazırda eyni layihənin beynəlxalq münasibətlər sahəsində də tətbiq olunması istiqamətində danışıqlar aparılır.

Norveç ilə olan münasibətlər də olduqca yüksək səviyyədədir. ADU 2007-ci ildən Norveç dili üzrə mütəxəssislərin hazırlanması üçün Oslo və Agder universitetləri ilə əməkdaşlıq edir. Norveç Xarici İşlər Nazirliyi tərəfindən maliyyələşdirilən bu əməkdaşlığın davamı olaraq, Azərbaycan Dillər Universiteti bakalavr dərəcəsində Skandinaviyaşünaslıq ixtisası proqramlarının yaradılması, proqram çərçivəsində resursların inkişafı (müəllim hazırlığı daxil olmaqla), kitab və dərs vəsaitlərinin təchizatı, akademik keyfiyyətin təminatı, eyni zamanda, Norveçdəki müxtəlif dil kursları vasitəsi ilə tələbə və akademik heyətin Norveç dili bacarıqlarının inkişafına şərait yaradıb. Layihə bütövlükdə Azərbaycan Respublikasının Təhsil Nazirliyi tərəfindən pilot layihə kimi dəyərləndirilərək davamlılığı dəstəklənir.

2009-cu ildən ADU ABŞ Dövlət Departamenti tərəfindən Azərbaycan dili və mədəniyyətinin öyrənilməsi üçün nəzərdə tutulan CLS təqaüd proqramına ev sahibliyi edir. ADU türk dili və mədəniyyətini öyrənən ABŞ tələbələri üçün nəzərdə tutulan CLS və Flagship təqaüd proqramlarına da rəhbərliyi öz üzərinə götürüb.

Azərbaycan Dillər Universitetində tədris prosesini, müxtəlif ixtisaslar üzrə mütəxəssis hazırlığı səviyyəsini artırmaq məqsədi ilə аpаrılаn struktur dəyişiklikləri nəticəsində dеpаrtаmеntin nəzdində aşağıdakı mərkəzlər yаrаdılıb:

  • Amerika mərkəzi
  • İndoneziya Araşdırma mərkəzi
  • İsrail və Yaxın Şərq mərkəzi
  • Hindi dili və Mədəniyyəti mərkəzi
  • Avstriya mərkəzi
  • Jorj Sand adına Mediateka – Fransa məlumat mərkəzi
  • Yaponiya Araşdırma mərkəzi
  • İtalyan dili mərkəzi
  • Frankofoniya mərkəzi
  • Alman oxu zalı
  • Koreya Mədəniyyət mərkəzi
  • İspan dili mərkəzi
  • Skandinaviya mərkəzi
  • Konfutsi İnstitutu

 

Beynəlxalq Əlaqələr Departamentinin müdiri

Sultanova Nigar Tahir qızı

Tel: (+99412) 441 23 31

(+99412) 441 22 78/79 (daxili 2 20)

Email: international.relations@adu.edu.az

2017-ci ilin sentyabr ayında Xarici vətəndaşlarla iş və protokol şöbəsi fəaliyyətə başlayıb. Protokol xidməti universitet daxilində keçirilən bütün tədbirlərin təşkilinə nəzarət edir, universitet rəhbərinin rəsmi qəbullarının təşkilini həyata keçirir. ADU-da rəsmi qonaqlarla görüşlər (nazirlər, millət vəkilləri, səfirlər, elm Anar Bağırovadamları, xarici qonaqlar, beynəlxalq təşkilatların nümayəndələri və sair), rəsmi sənədlərin imzalanma mərasimləri, mədəni-ictimai tədbirlərin təşkili işi də şöbənin fəaliyyətinə daxildir.

 

Xarici vətəndaşlarla iş və protokol şöbəsinin müdiri

Bağırov Anar Kamran oğlu

Tel: (+99412) 440 19 17

(+99412) 441 22 78/79 (daxili 1 19)

Email: anarbaghirov@hotmail.com

anar.baghirov@adu.edu.az

Paylaş